Bugtong
Matapos marinig ang isang joke sa 101.1 FM (alam mo na yan!)

Noong unang panahon, wala pang pan de coco. Monay, at wala nang iba pa ang meryenda ng mga tao. Araw gabi nilang kinukulit ang panaderong si Coco. Coco! Kailan ka ba gagawa ng bagong klase ng tinapay? sabi nila. Nagsasawa na kami sa kakakain sa monay mo! sabi pa nila.

Ngayon, huwag mong iisipin na hindi masarap ang monay ni Coco. Malambot ito at mainit, masarap ilagay sa bibig. Dinarayo ito ng mga tao mula sa iba't ibang panig ng daigdig, kahit ng mga taga-Japan. Kahit ang mga sikat na artista, hindi mapigilan ang sariling pumunta sa panaderya ni Coco para bumili ng monay. Noong isang araw, fairy tale time, dumaan si LA Lopez para bumili ng limang balot ng monay ni Coco. Dumaan rin si Lotlot de Leon, tsaka si Onemig Bondoc. Kani-kanina lang, bumili ng monay kay Coco ang Backstreet Boys.

Kaya lang, gaya ng anumang video ni Natt Chanapa o Maria Ozawa, darating rin ang panahon na pagsasawaan mo ang monay ni Coco, at maghahanap ka ng iba. Ganoon ang nangyari sa mga taga-San Roque. Nasasarapan man sila sa monay ni Coco ay nagsasawa na rin sila. Gusto nila ng bagong klase ng tinapay. Kulay pink o brown, mahaba o mataba, baliko o makeso, malarosas o amoy Lactacyd, matambok o nakatayo, kahit ano, basta bago.

Labis itong ipinagdamdam ni Coco. Ibinuhos niya ang kanyang buong buhay sa paglikha ng secret recipe ng kanyang monay, at ngayon, nagsasawa na ang mga tao dito. Lumuluha niyang hinaplos ang kanyang mga monay. Pasensiya na kayo. Marami kayong napaligaya, pero dahil sa law of diminishing returns, kailangan ko nang gumawa ng bagong klase ng tinapay. Hindi siya sigurado, pero tila namula ang kanyang mga monay sa kanyang paghaplos.

Kinabukasan, hindi nagbukas ang panaderya ni Coco. Nag-usap-usap ang mga tao. Maingay sa kanyang panaderya, ano kayang ginagawa niya? sabi nila. Isa sa kanila ang nakaisip ng paliwanag: Siguro, gumagawa siya ng bagong klase ng tinapay! At nagpalakpakan ang lahat. Malungkot namang umuwi si Britney Spears, na bibili sana ng monay. Pagdating niya sa bahay, tumingin siya sa salamin at nagsabing "The girl in my mirror, the girl in my mirror, is me."

Lumipas ang maraming gabi, ang maraming araw. Nagtataka na ang mga tao dahil hindi tumitigil ang paggiling at paghalo at pagbate sa loob ng panaderya ni Coco. Ni hindi siya natutulog! Ni hindi siya kumakain! sabi nila.

Isang araw, tumigil ang mga tunog. Sarado pa rin ang panaderya, pero bukas ang pinto sa likod nito. Sumilip ang mga tao, at nakita nila si Coco, nakahandusay sa harap ng pugon, lagot ang hininga. Nagkagulo ang mga tao. Hindi nila alam ang gagawin. Hanggang sa mapansin ng isa sa kanila ang mga tinapay sa mahabang mesa ni Coco. Dahan-dahan silang lumapit. Tinikman nila ang tinapay. Kakaiba ang tinapay na ito, may palamang nagmula sa niyog! sabi ng isa. Mabuhay si Coco! sabi nila. Mabuhay! Mabuhay!

Nang matapos ang sigawan, sinabi ng isa sa kanila: Utang natin ito kay Coco. At dahil diyan, tawagin natin itong

"Coco Jam".

Alamat

Noong bata ako, paborito kong libangan ang magbuhos ng mainit na Milo sa mga natutulog na pusa. Hahahaha! Tawa ako nang tawa sa tuwing makikita kong tumatalon ang pusa bago tumakbo palayo. Hahahahaha! sabi ko. Tapos isang araw, binuhusan ko ng Milo ang pusa nina Tata Ote. Hindi naman natutulog yung pusa, pero wala kasi akong mahanap na natutulog na pusa kaya sa kanya ko na lang ibinuhos yung Milo ko.

Imbes na tumakbo, sinigawan ako ng pusa nina Tata Ote. Sabi niya, Hangal! Talipandas! Busabos! Writer! Animal ka, hayop! At dahil diyan isusumpa kita! Magiging konduktor ka ng jeep! Tapos kumulog at kumidlat, at nakita ko si Kokey at ang betlog ni Dennis Trillo at umiyak ako.

At magmula noon, sa tuwing sumasakay ako ng jeep, lagi akong napapaupo sa ikalawa o ikatlong upuang pinakamalapit sa driver. Kung karaniwang tao ang napupunta sa upuang iyon, bigla siyang nagiging matandang hukluban at nakakatulog. O kaya makakatanggap siya ng text mula sa SMART (kahit Globe subscriber siya) at kakailanganin niyang tumingin sa selepono niya. O kaya bigla siyang magkakaroon ng kargang baby o groceries. Minsan naman, biglang lilitaw ang girlfriend niya at matutulog sa kanyang kandungan. Ganoon ang nangyayari sa lahat ng nasa harap ko kapag sumasakay ako sa jeep. At dahil doon walang ibang mag-aabot ng bayad sa driver kundi ako.

Hindi ko pinipili ang pagpunta sa upuang yun. Kusa akong dinadala ng paa ko doon. Kahit nakaupo sa dulo ng jeep si Cindy Kurleto o nakasabit siya, hindi ko siya magagawang tabihan. Painumin mo ako ng Ativan at ihagis sa loob ng jeep, doon at doon sa upuang iyon ako babagsak. Kahit puno na ang jeep at sumakay ako, mahahawan ang landas patungo sa upuang iyon. Ang jeep na pituhan, magiging waluhan. Ang jeep na waluhan, magiging siyaman. Nakaguhit sa palad ng paa ko na dalhin ako malapit sa driver.

At kapag nakaupo na ako, magsisimula nang magbayad ang mga pasahero. Una si Passenger 4, right center. Tapos si Passenger 1, left corner. Tapos si Passenger 2, left side. And so on. Basta yung tatlong iyon ang laging nauuna. At isa-isa silang nagbabayad, hindi sabay-sabay para isang abutan lang. Laging isa-isa.

Kusang lumalapit ang kamay ko sa nagsabing "Bayad po!". Ganoon rin ang nangyayari kapag sinabi ng driver ang "Sukli o!". Kapag pinipigilan ko ang kamay ko, sumasabog ang Glorietta o kaya ang Batasan o kaya tumataas ang pamasahe. Ang pinakamalala na yatang nangyari ay yung nangyaring dayaan sa eleksiyon. Yung meningococemia at SARS scare? Kasalanan ko yun. Sorry.

Kung sino man sa inyo ang nakakakita sa pusa nina Tata Ote, sabihin niyo naman sa akin. Hirap na hirap na ako. At marami nang nadadamay. Gusto ko na siyang kausapin para mawala na ang kanyang sumpa. Ganito ang kanyang hitsura:

Siyang yung mababa. Kasama niya rito yung pusa nina Aling Buding. Kung hindi siya makikinig sa pakiusap ko, nakahanda akong labanan siya, hanggang kamatayan.

Ano ba kasing ibig sabihin ng paghahalaw?

Mga Kabayo
(matapos magtangka at mabigong gumawa ng salin ng Horses ni Arkaye Kierulf)

Naniniwala ako sa saging, ang punong may puso, kung ano man ang ibig sabihin nun.
Naniniwala ako sa Ibong Adarnang nakatira sa puno ng Piedras Platas.
Naniniwala akong sa likod ng bawat isang ibon ay air pollution.
Naniniwala akong somewhere out there, someone’s thinking of me, and loving me, tonight.
Naniniwala akong hindi ko dapat sabihin ang narinig ko sa Pocket Garden.
Naniniwala ako sa sinabi ni Lolit Solis.
Naniniwala akong mananatili sa sampayan ang mga brief ko kahit hindi ko ito bantayan.
Naniniwala ako sa mga naniniwala kay Bro Mike Velarde.
Naniniwala akong kapag naniwala ka talaga, susuweldo ka sa Biyernes.
Naniniwala ako sa mga urinal. Na kailangan natin sila.
Naniniwala ako sa mga divider ng urinal, na mas kailangan natin sila.
Naniniwala akong paminsan-minsan, gusto nating uminom ng Generoso nang mag-isa.
Naniniwala akong kailangan nating mawalan ng load.
Naniniwala ako sa Confession Room ni Big Brother, at sa cleavage ni Ethel Booba, mabangis at nakapagpapaginhawa.
Naniniwala ako sa mga daan at kalsada, maliban na lang kung may bakod na kulay pink dito.
Naniniwala akong nagmamahal si Kris Aquino, pero hindi lang siya marunong magpakita nito.
Naniniwala akong hindi dapat masobrahan sa inom ang dalawang magkaibigan.
Naniniwala akong walang naitutulong sa bayan ang MMDA Art.
Naniniwala akong prosthetic lang ang mga titi sa western porn, na ang tunay na titi ay yung mga titi sa video ni Maria Ozawa.
Naniniwala akong edited ang pictures ni Angelica Panganiban.
Naniniwala akong hindi nagko-commute si Bayani Fernando, at ang mga taong nagdisenyo ng MRT at LRT stations.
Naniniwala ako sa konsepto ng langit sa pelikulang What Dreams May Come.
Naniniwala akong God is watching us, from a distance.
Naniniwala akong walang silbi at marangal ang ranting sa blog.
Naniniwala ako sa Friendster.
Naniniwala akong lahat ng blogger, natutuwa kapag may nag-iwan ng comment sa entry nila.
Naniniwala akong marami pa rin akong makikitang panty at cleavage kahit may dress code na this sem.
Naniniwala akong may terorista sa loob nating lahat.
Naniniwala akong sapat na ang isang text message para masira ang isang pagkakaibigan.
Naniniwala akong hindi ko kailanman makikilala si Vladimier Gonzales.
Naniniwala akong mahirap maging mabait kapag walang nakatingin o nagbabantay.
Naniniwala ako kapag may nagsasabi sa aking birhen siya.
Naniniwala akong minsan, kapag may nagsasabi sa aking birhen siya, ang ibig niya talagang sabihin ay “Pokpok ako, pero hindi ako makikipag-sex sa iyo.”
Naniniwala ako kina Tito, Vic and Joey, nung bata pa sila.
Naniniwala ako sa mga kabayo sa mga patalastas ng White Castle Whisky.
Naniniwala akong hindi magandang puwesto sa pagtitinda ng DVD ang overpass papunta sa SM North.
Naniniwala akong hindi dapat bigyan ng Magic Sing ang aming mga kapitbahay.
Naniniwala ako sa La Salle Sex scandal, sa Hello Garci scandal. Naniniwala akong ito ang dekada ng mga scandal.
Naniniwala akong sapat na ang mga patinig upang pangalanan ang mga nararamdaman sa pakikipagtalik.
Naniniwala akong mas maganda ang telenovela kung matatapos ito pagkalipas ng tatlong buwan.
Naniniwala ako sa pagkukulay ng kuko, sa estilong Emo.
Naniniwala akong hindi pokpok ang estudyante kong nakasuot ng pekpek shorts.
Naniniwala ako sa FHM at sa MAXIM at minsan, sa UNO.
Naniniwala ako sa posisyong 69 at 96.
Naniniwala ako sa horoscope.
Naniniwala akong mahal ni James Yap si Kris Aquino.
Naniniwala ako sa traffic.
Naniniwala ako sa nagsabing “the desire to be beautiful is the desire to be loved.”
Naniniwala akong kailangan natin ng mga pari na may point ang jokes, at mga teacher na hindi kailangang magbenta ng tocino.
Naniniwala akong pinakikinggan nina Piolo at Sam ang Don’t Matter ni Akon kapag silang dalawa lang ang magkasama sa isang kuwarto.


Horses
Arkaye Kierulf

I believe in trees.
I believe in the birds that live in trees.
I believe that behind every one bird is a sky forever expanding.
I believe all windows look out to the same sky.
I believe in keeping secrets.
I believe there is sincerity in lies.
I believe when the lights go off the furniture keep to their places.
I believe in faith.
I believe that if you believe hard enough you will soon enough be saved.
I believe in walls. That we need them.
I believe in open spaces, that we need them more.
I believe once in a while we crave loneliness.
I believe we need sadness.
I believe in the soft cave of the mouth, in what it has to say, savage and
comforting.
I believe in roads and streets, that they lead to ruins.
I believe violence is a plea for mercy.
I believe in the heart’s destructive implosions.
I believe behind every painting or picture is a white canvass, complete in itself.
I believe philosophy is difficult and silly; I prefer instead small delicate things like
a knife.
I believe Plato’s Forms do not exist.
I believe behind every space is just another space, and behind that just more
space, and so on.
I believe in clouds.
I believe in the divinity of clouds.
I believe mathematics is useless and noble.
I believe in numbers.
I believe that behind all distance is an admission of connectedness, that all space
admits of openings.
I believe everything is open.
I believe inside every mind is an open gun waiting to go off.
I believe the mind is a gun.
I believe behind every face is another face is another face.
I believe some of us would like to be saints but cannot.
I believe some women are virgins.
I believe some women w
ould like to be virgins.
I believe in the inviolable and the insane.
I believe in the quiet dignity of horses.
I believe in the benefits of buying a house.
I believe every house should be surrounded by trees.
I believe in this century, that it is not yet over, that we are on the verge of yet
another
discovery
I believe our many voices thin out into only one voice.
I believe in the end, but only if it fuels the past to continue expanding.
I believe in the layering of clothes, one on top of another, in the Victorian style.
I believe in skirts and lingerie and long black hair and virtue.
I believe in sin.
I believe in the woman under the man and vice versa.
I believe in the invisible hand, in the wind that lifts the bird and elevates the sky.
I believe in love without proof.
I believe in landscapes.
I believe that behind all love is all love itself, pure and soft and intense.
I believe in things so huge we forget what they’re about and why.
I believe in things so small it’s taken us all these years to realize we’ve seen
nothing.

Ang asong si Hahaha, ang julamantrax, ang secret namin ni God at ang kakaibang pangyayari sa estasyon ng MRT


1.
Kanina, sa Pocket Garden, may narinig akong nagkukuwentuhan tungkol sa isang kaibigan daw nilang may asong ang pangalan ay Hahaha. Yun raw ang ibinigay na pangalan ng kaibigan nila para sa tuwing makikita niya ang kanyang alaga, lagi siyang matatawa. Roll over, Hahaha! Sit Hahaha! Play dead Hahaha! Ganun raw kausapin ng kaibigan nila ang asong si Hahaha. Tapos may nagsabing maganda rin daw gamiting term of endearment ang Hahaha para siguradong laging masaya ang usapan ng mga magsing-irog.

A: Kumusta naman ang araw mo, Hahaha?
B: Mabuti naman, Hahaha. Hahaha?
A: Ano yun, Hahaha?
B: Buntis ako, Hahaha.

Yun.

2.
Akala ko magiging kasingsikat ng Inday at Boy Bastos jokes ang mga text na ganito, pero so far, dalawa pa lang ang natatanggap ko

a) galing kay pam
Colorrific...(Colorrific)
Ang shombey...(Ang shombey)

Colorrific
Ang shombey
Sa shinabumey na juley
- baklush kids singing sinabawang gulay

b) galing kay vlad
Valer kuberch
kahit jutay
ang julamantrax donchi
ay anek-anek
nyongkamas, at nutring
nyogarilyas at kipay
nyitaw, nyotaw, jutani!
Kundol, jutola, jupot
jolabastrax at mega join-
join pa, jobanox nyustasa
nyubuyax, nyomatis
nyomang at luyax
and around the keme ay
fullness ng linga!
- bahay kubo ng dalawang batang bading

3.
Tatlong araw akong nag-retreat last week, bilang bahagi ng mga requirement para sa mga bagong full time na teacher sa Ateneo. Sa pagitan ng mga group dynamics galore, binigyan kami ng mga lecture tungkol sa buhay ni San Ignacio, tungkol sa iba't ibang paraan ng pagdarasal at tungkol sa pagiging guro sa Ateneo.

Sa retreat na yun naisip kong a) napakarami palang magandang teacher sa Ateneo gradeschoool. Nang makita ko sila, nagkaroon ako ng matinding pagnanasang maging isang bad and naughty boy para paluin nila ako sa puwet at turuan ng leksiyon b) tatlong beses ka palang tatae kung lalamunin mo nang lalamunin ang mga pagkaing inihahain sa iyo at c) hindi dapat ginagawang kuwarto ang isang mini chapel. Marami pa akong ibang naisip sa retreat na iyon, pero secret lang namin yun ni God.

4.
Kani-kanina lang, nakatapak ako ng tae sa estasyon ng MRT. Sa bansa talagang ito, higit saan man, shit happens, pare.

May titi ka ba? Kung meron, may tanong ako sa iyo

1. Alin sa mga sumusunod ang IMPOSIBLE kung wala ang iyong titi?
a. holding hands
b. star gazing
c. romantic dinner
d. female orgasm
e. none of the above

2. Sa tingin mo, alin sa mga sumusunod ang bahagi ng karanasan ng isang bading?
a. pagtingin sa katawan ng ibang lalaki
b. pagbilis ng tibok ng puso kapag nagsasama-sama ang maraming lalaki
c. paghiyaw kapag may nakitang matipuno/guwapong lalaki
d. all of the above

3. Alin sa mga sumusunod ang naging bahagi na ng iyong karanasan bilang lalaki?
a. Pagtingin sa katawan ni Manny Pacquiao/The Rock/Superman/Kobe Bryant
b. Pagbilis ng tibok ng puso kapag nanonood ng basketball/football/boxing
c. Paghiyaw kapag: naka-three points ang isang manlalaro sa paborito mong basketball team/nilalabo-labo ni Manny Pacquiao ang kalaban niya/tumutugtog ang paborito mong banda
d. all of the above

4. Isipin mo yung panahong pinapalo ka sa puwet ng tatay mo gamit ang kanyang mahaba at maitim na sinturon. Anong nararamdaman mo sa puwet mo ngayon?
a. kiliti
b. iba pang sagot (pakisulat sa guhit)

_____________________________________

5. Kapag nagjajakol ka, sino ang iniisip mo?
a. Ehra Madrigal
b. Cindy Kurleto
c. Aubrey Miles
d. Francine Prieto
e. iba pang sagot (pakisulat sa guhit)

_____________________________________

6. Kapag nagjajakol ka, di ba kamay ng lalaki (ang kamay mo) ang nakahawak sa titi mo?
a. oo nga ano
b. hindi ko pa napag-iisipan
c. iniisip kong kamay ng babae ang kamay ko. oh wait
d. secret

7. Isulat sa ibaba ang pangalan ng isang kaibigang talagang nakakaunawa sa iyo, yung kasama mo sa highs and lows ng iyong buhay, yung nagbibigay sa iyo ng matinong payo, yung marunong makinig, yung kapareho mo ng interes...

_________________________________________

Bakit ang tagal mong sumagot? (isulat sa ibaba)

_________________________________________

8. Nakapanood ka na ba ng porn na may negrong mas maliit ang titi sa iyo?
a. hindi pa
b. oo (isulat ang pamagat)

______________________________________

9. Ilarawan, gamit ang hindi bababa sa limang pangungusap, kung paano ka kumain ng ice cream na nasa apa.

a
b
c
d
e

10. Bonus question. Sa mga binibili mong men’s magazine gaya ng FHM, Maxim o UNO, ano sa tingin mo ang average na bilang ng picture ng LALAKI?


________________________________________