Thursday, January 08, 2004

Hindi Ako IN

Pagkatapos ang napakahabang pagmumuni-muni at pagpapabalibaliktad sa salamin, natanggap ko na ang katotohanan.

Hindi ako marunong magocho-ocho.

Alam ko naman ang gagawin. Dapat baba ng likod at hindi balikat ang pagalawin. Pero sadyang hindi lang kaya ng katawan ko ang kayang gawin ng katawan nina Bayani, Gary V at ng mga Gee Girls.

Sa aming magkakapatid, ako lang ang hindi marunong magocho-ocho. Idinagdag ko na iyon sa listahan kung bakit hindi ako IN sa kanila:

1. Hindi ako babae (Sila lang ang may kapatid na lalake. Ako wala.)
2. Nababaduyan ako sa Westlife.
3. Nagagandahan ako kay Aubrey Miles. (Wala daw korte ang katawan, maliit at hindi rin siya marunong...)
4. Hindi ako marunong magocho-ocho.

Nung bagong taon, nasa labas sila ng bahay, malapit pero malayo sa akin, at sinalubong nila ang 2004 ng sabay sabay na ocho-ocho. Naalala ko ang mga hitong tinanggal sa tubig nang minsang magpunta ako sa palengke. Nasa loob lang ako ng bahay, tumatawang mag-isa. Hinagisan ko sila ng maraming bariya para tumigil sa pagsayaw at pumulot sa lupa. At least, kahit sandali, naging IN ako.

***

Meron na nga palang cheese curls na Ocho-ocho. May drowing na Bayani, Mahal at Mura, John, Randy at Willie sa harap, at pangakong "free toys and cash" sa mga piling pakete. Kinakain ng kapatid ko kahapon ng umaga. Pinagalitan ko siya dahil hindi pa nagaalmusal ay may hawak nang chichiria.

0 Comments:

Post a Comment

<< Home