AKOSIYOL TONITE
(I write to express, not to impress)

Sa ulo ng mga nagbabagang balita:

Ulam ng mga Jamendang, Talong na naman

Kabute St. -- Talong na naman ang ulam ng mga Jamendang, ayon sa isang mapagkakatiwalaang source ng Akosiyol Tonite. Tatlong beses na silang nag-ulam ng talong simula noong Lunes.

"Maghapon, puro chicken joy at jolly hotdog ang kaharap ko," sabi ni Irene, 20, estudyante at service crew sa Jollibee. "Tapos pag-uwi ko, talong ang ulam natin."

Sa preliminary investigation na isinagawa ni Alicia, 51, pagdating niya sa bahay galing trabaho, natuklasan niyang ginisang talong ang laman ng kanilang kawali, sa halip na tinola gaya ng kanyang ibinilin. Nang kapanayamin siya ng Akosiyol Tonite kung kumusta naman ang araw niya, sinabi ni Alicia na "inaantok na ako." At natulog siyang hindi man lang nagtu-toothbrush.

Samantala, patuloy ang pag-iinarte ni Leslie, 10, estudyante at wala pang hanapbuhay. "Ayaw ko niyan, hindi ako kumakain niyan," sabi niya nang paulit-ulit. Tinitingnan siya nang masama ni Love, 19, estudyante rin pero may pakinabang naman dahil naghuhugas ng plato at naglalaba. "Sasampalin kita," sabi ni Love kay Leslie.

Tinangka ng Akosiyol Tonite na kapanayamin si Lando, 50, official kusinero ng mga Jamendang at ang diumano’y nagluto ng ginisang talong, kahit tatlong beses na itong naiulam. Kaya lang, lasing siya at nasa ikatlong yugto ng rapid eye movement sleep.

Mitchie at Inabang, Nagbangayan

Kabilang Kanto – "Putang ina mo Inabang, palibhasa puro kantot ang nasa isip mo kaya hindi mo mapakain ang mga anak mo!" Ito diumano ang mga katagang binitiwan ni Mitchie, 52, nang makita ang kanyang asawang nakikipag-usap sa Aleng Magbabalut.

"Tinatanong ko lang naman kung magkano ang asin," paliwanag ni Inabang nang kapanayamin ng Akosiyol Tonite. "Gago!" sabi naman ni Lasidong, isa sa mga nakasaksi. "Tinatanong niya kung kasing-init daw ng betlog niya ang balut na itinitinda ng Ale."

Sa imbestigasyong ginawa ni Jimay, 20, tsismoso, nagsimula ang bangayan sa pagitan ng TV Patrol World at Kapamilya, Deal or No Deal? Commercial daw noon kaya hindi siya sigurado. Lumapit siya sa nag-aaway para mas marinig ang mga sinasabi.

"Pinaparinig pa ng mga putanginang yan ang pagmumurahan nila sa mga anak ko," sabi naman ni Aida, 50, isang concerned homeowner. "Kaya natututong magmura ang mga anak ko, e. Putangina talaga."

"Hindi ko maintindihan kung bakit napakaselosa niyang si Mitchie." sabi naman ni Delia, 45, napadaan dahil bibili ng shampoo. "Ang pangit naman ng asawa niya."

Habang isinusulat ang balitang ito, nakaalis na ang Aleng Magbabalot at hindi na mahihingan ng pahayag.