solutions@akosiyol.blogspot.com
Mga Solusyon sa Pang-araw-araw na Problema

Kung gusto mong makita ang hitsura mo sa loob ng kabaong
Maghanap ng isang salaming hugis parisukat na may kahoy na frame. Pagkatapos, maglagay ng makapal na foundation sa mukha at humarap nang nakapikit sa nasabing salamin. Bahagyang imulat ang mata para masilip ang makikita ng iyong mga kaibigan sa iyong burol.

Kung gusto mong malaman kung bading ang iyong kaibigan
Yayain mo siyang mag-DVD marathon sa inyong bahay. Kausapin mo siya habang inihahanda mo ang DVD player, sinisigurong ang kanyang atensiyon ay nasa iyo. Magsalita nang magsalita habang dahan-dahang itinatapat sa socket ang plug ng TV. Pagkatapos, bigla bigla ay magkunwaring nakukuryente. Tingnang mabuti ang kanyang reaksiyon.

Kung nahuli kang nagnanakaw sa bus at may sumigaw ng "Magnanakaw!"
Tingnan ang mga pasahero at tanungin sila: "Nasaan ang magnanakaw?". Saka ka mabilis na bumaba ng bus.

Kung gusto mong basahin ng iyong mga ka-blog ang bago mong entry
Pumunta ka sa mga blog nila at maglagay ng pagbati/pagpuna/pang-aasar sa kanilang tagboard.


Kung hindi mo gustong sagutin ang itinatanong ng isang tao
Sabihin mo: "Bakit mo gustong malaman?"

Kung nahuli ka ng gelpren mong napatingin (take note:NAPAtingin) sa ibang babae
Pintasan mo yung babae i.e. "Mas maganda ang buhok mo mahal", "Pa-cute nang pa-cute, ang panget naman”, “Mas bagay siguro sa iyo ang damit na ganoon, sweetheart."

Kung nahuli kang magpasa ng final paper sa itinakdang deadliest of all deadlines:
Sabihin mo kay Sir/Ma'am: "Nahuli po kasi akong nagda-drugs ng tatay ko". Pagkatapos i-kuwento mo ang buhay mo. (salamat kay Ms. J)

Kung isa kang truck driver at nabasag ang bungo ng nasagasaan mo
Magpaliwanag: "Akala ko kasi, bato." (mula sa kuwento ni Vlad)

Kung may puputukin kang pimple
Huwag mong ipitin sa pagitan ng iyong mga daliri. Banatin mo ang balat sa paligid nito.


Kung tumatawid ka sa overpass at may mga humahabol sa iyong batang sumisigaw ng "Bakla!Bakla!Bakla!"
Lingunin mo sila at sabihing: "Alam ko!".